Причината за смртта на актерката Бети Вајт, која почина на последниот ден од 2021. година, неколку недели пред нејзиниот 100-ти роденден, е мозочен удар кој го доживеала речиси една недела претходно, а доказ за тоа е и умреницата чија копија ја објави TMZ.com. во понеделник.
Во делумно преработениот документ се наведува дека причината за смртта на Бети Вајт е „цереброваскуларен мозочен удар“, медицински термин за мозочен удар или губење на протокот на крв во мозокот предизвикан од згрутчување или руптура на крвните садови, што резултирало со оштетување на мозочното ткиво.
Во документ од Одделот за јавно здравје на округот Лос Анџелес се наведува дека мозочниот удар следел шест дена пред да умре актерката.
Надлежните одбиле да ги коментираат информациите.
Извори блиски до актерката тврдат дека Вајт била присебна по мозочниот удар и дека на крајот починала мирно во сон, што го потврдил и Џеф Витјас, долгогодишниот агент и близок пријател на актерката.
По нејзината смрт почнаа да се шират гласини дека актерката починала како последица на бустер доза од вакцината, што Витјас категорично го демантираше.
Вајт почина на 31. декември, помалку од три недели пред нејзиниот 100-ти роденден. Таа претходно најави документарен филм за нејзиниот живот кој ќе биде прикажан во 900. американски кина на 17 јануари, денот на нејзиниот роденден.
Фото: Принтскрин/Instagram