На 22 септември, со почеток од 17:30 часот, во битолска „Магаза“, Румена Бужаровска и Ана Василева ќе поразговараат за нарацијата во уметноста и филмот, како дел од меѓународниот филмски фестивал „Браќа Манаки“. На македонската јавност Бужаровска и Василева ѝ се воедно познати како дуото што стои зад прочуената иницијатива за раскажување женски приказни, „ПичПрич“.
„Никаде не одам“, „Мојот маж“ и „Осмица“ од Румена Бужаровска – едни од најчитаните и најпреведуваните збирки раскази во нашата земја – се одлична илустрација за визуелниот јазик на раскажувањето, а и за други теми што ќе ги опфати овој едночасовен дијалог.
Ве очекуваме сите во битолска „Магаза“, каде што ќе се обединат книжевноста и филмот, и сите останати точки на квалитетен разговор, со ветување да прерасне во традиција.