ekran платформа за слободоумни
Дарја Ризова е родена на 13 февруари 1987 година во Скопје. Дипломира на Универзитетот „Св. Кирил и Методиј“ на Факулет за драмски уметности, Скопје, на отсекот за глумечка игра во класата на проф. Кирил Ристоски и доц. Зоја Бузалковска, во 2010 година. Од 2013 г. работи во Македонски народен театар во Скопје.
Ризова има остварено голем број на театарски улоги, а ги издвојуваме следните:
-Саша (Иванов, 2023), автор: А. П. Чехов, режисер: Зоја Бузалковска, продукција: РСМ НУ Македонски народен театар;
-Снимен глас (Бакхи: Агава, 2022), сопоред Еврипид и Тамара Барачков, режисер: Нина Николиќ, во продукција на Перипетија продукција – Скопје во копродукција со Македонскиот народен театар и Градски театар од Јанина, Р Грција;
-Петра (нивната ќерка), наставничка (Народен непријател, 2022), автор: Хенрик Ибзен, режисер: Нина Николиќ, финален продукт од комплексниот проект „Патиштата на хероите“, продукција: РСМ НУ Македонски народен театар;
-Маша (Нема да биде крај на светот, 2021), автор: Аднан Лугониќ, режисер: Нина Николиќ, во продукција на Перипетија продукција – Скопје во копродукција со Македонскиот народен театар и Сараевскиот ратни театар – САРТР;
-Дездемона (Отело, 2019), автор: Вилијам Шекспир, режисер: Нина Николиќ, копродукциски проект помеѓу Перипетија продукција, Македонски народен театар и Босанско народно позориште Зеница;
-Ширли (Бесачи, 2019), автор: Мартин Мекдона, режисер: Јавор Грдев, продукција: Македонски народен театар;
-Нина Михајловна Заечна (Галеб, 2018), автор: Антон Павлович Чехов, режисер: Нина Николиќ, продукција: Македонски народен театар;
-Вера Александровна (Еден месец на село, 2018), автор: Иван Сергеевич Тургењев, режисер: Паоло Маџели, продукција: Македонски народен театар;
-Принцеза Џазмин (Авантурите на Аладин, 2017), адаптација, драматизација и режија: Бојан Трифуновски, продукција: Македонски народен театар;
-Маријана (Тартиф, 2016), автор: Жан Батист Молиер, режија: Галин Стоев, продукција: Македонски народен театар;
-Реја (Соларис, 2016), автор: Станислав Лем, драматизиција и режија: Андриј Жолдак, продукција: Македонски народен театар;
-Младата Ана Бергман (Разговори во четири очи, 2015), автор: Ингмар Бергман, адаптација: Тамара Барачков, режисер: Нина Николиќ, копродукција: Македонски народен театар и Скопје филм студио;
-Електра (Електра, 2014), автори: Есхил, Софокле, Еврипид и Жан Пол Сартр, режисер: Андриј Жолдак, продукција: Македонски народен театар и многу други.
Добитничка е на голем број на награди и призананија:
-„Најдобар млад уметник” за 2022 година доделена од Претседателот на Република Македонија.
-Награда за најдобра млада актерка за улогата на Маша во претставата „Нема да биде крај на светот“ на ИНТЕРНАЦИОНАЛНИТЕ ТЕАТАРСКИ СРЕДБИ БРЧКО ДИСТРИКТ, Брчко, БиХ, 2022 г.
-Награда за највисоко актерско остварување за улогата на Маша во претставата „Нема да биде крај на светот“ на 30. фестивал на камерен театар „Ристо Шишков“ – Струмица 2022 г.;
-Наградата за најдобра актерка на Фестивалот на актерот во Коњиц – БиХ, за улогата на Маша во претставата „Нема да биде крај на светот“, 2022 г.;
-Наградата за најдобра актерка на меѓународно ниво за улогата на Маша во претставата „Нема да биде крај на светот“ во Р Турција, 2022 г.;
-Наградата за најдобра актерка во претставата „Нема да биде крај на светот“ на фестивалот „Живи Фест“ во Босна и Херцеговина, 2022 г.;
-Награда за најдобар млад актер „Рејџан Демирџиќ“ на Интернационалниот фестивал МЕСС, Сараево, за улогата Електра во претставата „Електра“, 2017 г.
-Награда за најдобра актерка, на фестивалот на античка драма „Стоби“, за улогата Електра во претставата „Електра“, 2015 г.;
-Награда за најдобра женска улога, на Фестивалот ФИАТ-Подгорица, за улогата на Електра во претставата „Електра“, 2015 г.;
-Награда за главна женска улога, на МТФ „Војдан Чернодрински“ за улогата на Електра во претставата „Електра“, 2015 г.;
-Награда за најдобра актерка на годината на „Златна Бубамара“ на популарноста, 2014 г.;
-Награда за најдобар млад актер, на МТФ „Војдан Чернодрински“ 2014 г., за улогата на Естел Бенвениста, во претставата „Вечната куќа“;
-Награда за најдобра женска улога ADRIANA AWARD на Интернационалниот фестивал SKENA UP- -Приштина, за улогата на Лора Вингфилд, во претставата „Стаклена менажерија“, 2008 г.
Среќен роденден Дарја, ти посакува редакцијата на Екран.
