Ново продолжение на филмот за британскиот агент Џејмс Бонд е одложено по трет пат поради пандемијата на коронавирусот.
Филмот наречен „Нема време за умирање“ претходно беше одложуван двапати, а сега новиот датум е закажан за 8. октомври. Да потсетиме, филмот првично требаше да има премиера во април 2020. година.
Тој е 25-ти филм за Бонд, а овој пат агентот го игра Даниел Крег. Ова е воедно и негово последно појавување во франшизата.
Заедно со Крег, во актерската екипа, меѓу другите, се и Леа Седу и Рами Малек.
Новото одложување беше предизвикано од одлуката за затворање на кината поради заклучувањето во светот.
Покрај овој филм, одложени се и премиерите на други филмови како „Задгробен живот“, „Питер зајак 2“, „Неизвесен“, „Пепелашка“, „Биос“ и други.