КОРОНА ВИРУС ВО БУГАРИЈА: Бојко Борисов и тројца министри во изолација

БУГАРСКИ Премиерот Бојко Борисов и тројца министри од неговата влада ќе мора да бидат во изолација откако биле во контакт со функционер кој е позитивен на коронавирус, објавија тамошните здравствени власти.
Претходно во петокот, Борисов рече дека е во самоизолација откако бил информиран дека заменик министерот за градежништво Николај Нанков, со кого бил во контакт пред пет дена, е позитивен на коронавирус.
Борисов, како и министерот за финансии Кирил Ананиев, министерот за градежништво Петја Аврамова и министерот за земјоделство Десислав Танев, ќе бидат во изолација затоа што биле во контакт со Нанков, објави Софискиот здравствен инспекторат.
Претходно во петокот, бугарскиот премиер рече дека е негативен на коронавирусот и дека бил тестиран пред состанокот со американскиот потсекретар за економски развој енергетика и животна средина Кит Крач во Софија.
„Чекам упатства од здравствените власти и дотогаш ќе бидам во самоизолација“, напиша Борисов на својот Фејсбук профил.
Бројот на лица заразени со коронавирус во Бугарија се зголемува од почетокот на октомври. Во петокот, земјата имаше рекордни нови 1.595 инфекции, па досега се заразени вкупно 34.930, од ​​кои 1.064 починале.
Ваквото зголемување на бројот на пациенти предизвикува притисок врз бугарските болници, па здравствените власти забранија планирани операции во области каде што бројот на заразени надминал 120. на 100.000 луѓе и побараа од болниците да ослободат 10. проценти од нивните легла за заболените од Ковид-19.