На 16.08.2023 година во Прилеп, локација, Могилата на Непобедените со почеток од 20:00 часот ќе се одржи хуманитарен концерт, поддржан од хуманитарното здружение “Дрим Тим од деца за деца Прилеп” и јазичниот центар ” Дрим Тим Макси”.
Овој пат, сме му потребни на нашиот татко, сопруг, пријател, колега, сограѓанин Трајче Илиовски од Прилеп, кој боледува од канцер. Заедно, да се сплотиме во хуманост и да подадеме рака што живот ќе значи, велат организаторите на овој хуманитарен настан.
На хуманитарната забава ќе настапуваат прилепските млади и талентирани изведувачи и тоа; Алекса Петрески, Филип Николоски, Александар Темелков, Lock Down и The Dreamers, а на Вас останува да донирате и да се забавувате. Секоја купена влезница и секој купен пијалок на забавата е Ваша донација и помош.
Влезниците може да се набават во City Garden (кај Дом на култура), сендвичара Грижо во Точила или да се нарачаат преку телефонскиот број 076614006.