ХУМАН ГЕСТ НА КАРДИ Б – Американската раперка ветила дека ќе ги плати трошоците за погреб на жртвите од пожарот во Њујорк

Раперката Карди Би ќе ги плати трошоците за погребот на оние кои ги загубија животите во смртоносниот пожар во Њујорк. Вкупно 17. луѓе загинаа откако пожар ја зафати нивната станбена зграда во Бронкс.
Државата Њујорк неделава објави дека ќе додели 2. милиони долари на фондот за жртви.
Во изјава за Си-Ен-Ен, Карди Б рекла дека е „исклучително горда што е од Бронкс и што има многу членови на семејството и пријатели кои сè уште живеат и работат таму“.
„Кога слушнав за пожарот и за сите жртви, знаев дека морам да направам нешто за да помогнам“, рекла таа.
„Не можам да ја замислам болката и вознемиреноста што ја доживуваат семејствата на жртвите, но се надевам дека нема да мораат да се грижат за трошоците за погребување на нивните најблиски додека напредуваат и закрепнуваат. Ги испраќам моите молитви и сочувство до сите оние кои се погодени од оваа страшна трагедија“, рекла таа.
Според нејзиниот претставник, раперката се здружила со фондацијата на градоначалникот за да се погрижи семејствата на сите жртви да бидат вклучени во нејзината донација и „да ги исполни последните желби за нивните најблиски“.
„Ние сме благодарни на Карди Б што обезбеди критична финансиска помош за семејствата на жртвите“, рекол градоначалникот Ерик Адамс во изјавата.
„Градот засекогаш ќе и биде благодарен на неа, како и на основните донатори и корпоративни партнери кои можеа да им дадат директна поддршка на нашите соседи, да закрепнат во ова тешко време“, рекол тој.