Враќање како да беа вчера а не пред децении – би бил кус епилог од тоа што дечките од „Меморија“ и го преиредија на публиката на нивниот „повратнички“ концерт и уште еднаш покажаа дека времето никако не коже да ги уништи вистинските вредности…А, „Меморија“ е вредност.
Не е тешко да станеш.
Тешко е да ОСТАНЕШ.
“’Меморија’ вечерва го положи најтешкиот испит – филтерот на времето.
После дваесет и кусур години пауза направија концерт по сите светски стандарди, на кој дојде река од илјадници луѓе.
Два саата бендот свиреше, публиката пееше на цел глас.
Можете да не ја сакате македонската рок и поп музика
ама ова вечерва беше потресно.
Концертов беше историски.
На целата екипа и’ честитам од срце.
Перо – Kamikaza друже, ти се восхитувам на силата, ентузијазмот и вољата.
Живи и здрави да сте, утепавте вечерва“ напиша Тоше Поп Симонов.
Но, социјалните мрежи беа полни со комплименти за „Меморија“, а кога се знае од кого доаѓаат тогаш имаат уште поголема вредност.
Погледнете дел од атмосферата на синоќешниот концерт на „Меморија“…