ekran платформа за слободоумни
Славната американска комичарка Кети Грифин објави на Инстаграм дека има рак на белите дробови и дека е пред операција во која ќе и биде отстранет дел од белите дробови.
„Луѓе, морам да ви кажам нешто. Имам рак. Наскоро ќе одам на операција за да ми се отстрани половина од левото белодробно крило”, започнува објавата.
Понатаму, таа истакна дека никогаш не пушела.
„Да, имам рак на белите дробови иако никогаш не сум пушела. Лекарите се многу оптимисти бидејќи ракот е во прва фаза и се задржал на левото белодробно крило. Се надеваме дека после ова нема да ми треба хемотерапија или зрачење и дека ќе да можам да дишам нормално. Треба да сум во движење веќе после еден месец како и обично“, пишува Кети.
„Ова беа луди четири години, се обидував да се вратам на работа, ве терав да се смеете и да се забавувате, но ќе бидам добро. Се разбира, јас сум вакцинирана против ковид. Ако не го направев тоа, последиците би биле уште посериозни. Ве молиме одете на редовни прегледи. тоа ќе ви го спаси животот“, заклучила таа.
Фото: Принтскрин/Instagram
