ekran платформа за слободоумни
Иако со месеци се случуваа препукувања помеѓу Сергеј Варошлија, „Студио мода“ и личностите „кои ги обработуваше“ во емисијата, се чини „тиквата пукна“ кога настана „препукувањето“ со Бојана Скендеровски..
Се чини, јавното пренесување на „срамните податоци“ од приватноста на Скендеровски а се поради тоа што се осмели да му се спротивстави на Варошлија и неговата емисија беа доволна шричина за реакција на Агенцијата за медиуми и Дирекцијата за заштита на лични податоци…
Водителот и моден критичар Сергеј Варошлија го прекршил членот 61 став 1 алинеја 1 од
Законот за аудио и аудиовизуелни медиумски услуги, констатира Агенцијата за медиумите.
Членот се однесува на: негување и развој на хуманите и моралните вредности на човекот и
заштита на приватноста и достоинството на личноста.
До Агенцијата стигнале неколку претставки на лица кои биле предмет на оценка во
емисијата на Варошлија. Дел од нив обвинуваат и за говор на омраза, но од таму велат
дека претставките по тој основ се неосновани. До Дирекцијата за заштита од лични
податоци, пак, стигнале три барања за заштита на личните податоци. Дирекцијата во сите
три случаи утврдила повреда на правото на заштита на личните податоци.
Од таму информираат дека на Варошлија му е дадено посебно укажување дека не може да
користи фотографии од социјалните мрежи без согласност на лицата кои се наоѓаат на тие
фотографии.
„На Трговското радиодифузно друштво ’1ТВ’ ДООЕЛ Скопје му беше дадено посебно укажување во насока да ги почитува прописите за заштита на личните податоци во делот на користење на лични податоци во емисијата ’Студио Мода’, особено во делот на користење на фотографии обезбедени преку интернет, односно социјални мрежи, со оглед дека нивната обработка без согласност од субјектот на личните податоци претставува неправична и незаконска обработка на личните податоци според просписите за заштита на личните податоци“, велат од Дирекцијата.
извор: republika.mk
