Домашниот феномен „Преспав“ продолжува да ја освојува регионалната публика. Со вкупно 102 емитувани епизоди во рамките на 4 сезони, оваа ТВ серија во продукција на ОХО Продукција руши рекорди на гледаност веќе 5 години по ред кај нас, а втора година по ред и во соседната Република Бугарија.
По ланскиот „бум“ кој го предизвика емитувањето на „Преспав“ на бугарската bTV Comedy, фановите на серијата ќе можат повторно да уживаат во извонредната игра на нашите актери и комичните ситуации од нивното секојдневие, бидејќи во средата, на
07.10.2020 година започна со емитување четвртата сезона на „Преспав“ на bTV Comedy.
Како и претходно, гледачите ќе можат да уживаат и да се смеат заедно со браќата Бузалевски, Талат, Јелена, Ула, Наим и другите преспавски јунаци, и тоа со преводи на бугарски јазик, секој работен ден во ударен термин од 20:30 часот.
„Преспав“ е првиот македонски ТВ продукт кој се емитува пред бројната бугарска публика. Се надеваме дека соработката ќе продолжи и во периодот што претстои, но и дека успесите на „Преспав“ нема да запрат тука, па така домашната и регионалната
публика ќе имаат можност наскоро да уживаат и во нови епизоди.