ekran платформа за слободоумни
На Париската модна недела, публиката ја освоија жени кои промовираа позитивизам на телото како дел од „The all sizes catwalk”.
Големи и мали, округли и витки, од различна возраст и градба на тело – сето тоа се прекрасни жени кои во Париз ја осветлија сликата на која не е навикнат модниот свет. Онаа што се разликува од вообичаената што ја наметнува модната индустрија со децении.
„Не можам да најдам зборови за да ви искажам благодарност. Не само од мое име, туку и за сите нас … Секој што се чувствува лошо во својот живот поради својот изглед, ова е за вас! Тоа беше порака исполнета со љубов и поддршка што им е потребна на многу луѓе“, рече Џорџија Стајн, основач на модната писта „The all sizes catwalk”.
Идејата е дека жените собрани во оваа група не мотивираат да се прифатиме себе такви какви што сме.
Всушност, на Париската модна недела оваа година, навистина можевме да видиме модели од сите возрасти, националности, но и големини!
Ваквите иницијативи во рамките на најголемите Модни недели во светот континуирано ќе го менуваат начинот на кој гледаме на идеализираниот и нереален поглед на жените. Во последниве години, секако, се движиме во таа насока.
Фото: Принтскрин/Instagram
