ekran платформа за слободоумни
Новата година секогаш носи промени.
Некој ќе одлучи да ја промени работата, некој да се затегне и ќе тргне на фитнес или во теретана, а ги има и оние кои со задоволство би промениле нешто во својот изглед.
Кај жените таа промена обично почнува од косата. Ако размислувате за оваа промена ви предлагаме да погледнете некоја од фризурите кои ќе бидат апсолутен хит во 2020. година.
Боб
Боб фризурата оваа година била една од најбараните, барем кога станува збор за познатите дами. Една од оние која решила да има боб фризура е и Кајли Џенер, која својата вистинска фризура ја покажува кога сака да се одмори од периките и надградбите.
Shaggy cut
Оваа фризура ја направила популарна глумицата Џенифер Анистон, поточно, нејзиниот лик на Рејчел во „Пријатели“. Дека оваа фризура повторно се враќа во мода неодамна потврдила пејачката Селена Гомез која својата фризура ја променила во shaggy cut.
Долги екстензии
Во почетокот на 2019 година станале популарни многу долгата коса и екстензиите, а така ќе се продолжи и во следната година, кога се очекува екстензиите да бидат попопуларни од било кога.
Ултра куса коса
Ако сепак сте посакале во новата година да направите драстична промена, фризерите препорачуваат ултракуса коса која исто така ќе биде многу популарна. За тоа придонела и глумицата Шарлиз Терон која неодамна се ишишала кратко.
Нема сомнение дека со овие фризури ќе изгледате поинаку и дека промената секако добро ќе ви дојде.
