ekran платформа за слободоумни
Од оваа година, напуштениот Боинг 737 качен на карпа над плажата Нијанг Нијанг е достапен како приватна вила во која можете да ја поминете ноќта
Патувањето до далечни дестинации секогаш звучи привлечно и е нешто што сите го имаме на нашата листа.
Не е ни чудо што Бали, познат индонезиски остров, стана многу популарна дестинација меѓу зависниците од патувања и оние кои се желни хедонистички да ги наполнат батериите.
Веќе сме навикнати да гледаме прекрасни приватни оази со бесконечни базени на социјалните мрежи, но како ви звучи идејата да го поминете вашиот одмор во луксузно преадаптиран авион на земја?
Сместувањето кое се нуди на Бали главно се базира на одморалишта и приватни вили кои совршено се вклопуваат со околината и овозможуваат многу луксузно искуство.
View this post on Instagram
Од оваа година, напуштениот Боинг 737 лоциран на карпа над плажата Нијанг Нијанг е достапен како приватна вила во која можете да преноќите.
Имено, претприемачот Феликс Демин купил напуштен авион на индонезиска авиокомпанија и решил да му вдахне нов живот. Оваа сместувачка единица е комплетно реновирана и се состои од две спални соби, две бањи, кујна и infinity базен.
Она што маѓепсува во оваа вила е секако терасата, односно крилото на авионот од кое има неопислив поглед.
View this post on Instagram
Минималистичкиот внатрешен дизајн инспириран од природни материјали и јасно видливите делови на авионот го сочинуваат луксузниот дизајн на оваа вила кој едноставно воодушевува.
Исто така, областа околу авионот е уредена за да се создаде надворешен простор за релаксација.
Првите гости во „Private Jet Villa by Hanging Gardens“ се очекуваат во мај годинава, а сместувањето може да се резервира уште сега преку порталот Expedia, а едно ноќевање е достапно по цена од околу 7.000 евра, информира Business Insider.
View this post on Instagram
Луксузните одморалишта, бескрајните плажи, егзотичното опкружување се главните причини зошто Бали е идеален избор доколку сакате целосно да се исклучите и само да уживате.
Сигурни сме дека оваа уникатна вила ќе ги освои дури и оние кои се плашат од авиони.
Фото: Принтскрин/Instagram
