ekran платформа за слободоумни
Осумгодишно момче во саботата се изгубило во зафрлена дивина на американската сојузна држава Мичиген. Преживеал затоа што јадел снег и нашол засолниште под трупец.
Нанте Ниеми исчезнал додека кампувал со своето семејство во паркот на природата Porcupine Mountains. Влегол во шумата да собира дрва за огрев и се изгубил. Неговото семејство го пријавило за исчезнат и многу брзо околу 150 луѓе почнале да го бараат.
Nante Niemi, 8, went missing during a camping trip with his family and was last seen around 1 p.m. Saturday, the Hurley School District confirmed. https://t.co/mwmGAWuD9Q
— USA TODAY (@USATODAY) May 8, 2023
Тој бил пронајден во понеделникот под трупец на оддалеченост од околу 3,20 километри од кампот во кој се наоѓал. Полицијата соопштила дека тој е во „добро здравје“. „Тој барал засолниште од временските услови под трупецот под кој подоцна беше пронајден“, се вели во соопштението на полицијата на државата Мичиген.
Officials shared a photo of one of the rescuers carrying 8-year-old Nante Niemi on his back.
More than 150 people had joined in the search. https://t.co/UcJYiIQSHY
— ABC News (@ABC) May 9, 2023
„Јадел чист снег“
Тие изјавиле дека „јадел чист снег за да ја задоволи потребата од вода“. Недолго откако неговото семејство го пријавило неговото исчезнување, неговата мајка се огласила на социјалните мрежи за да им се заблагодари на сите за поддршката, но ги повикала сите освен спасувачите „да се оддалечат од местото на настанот бидејќи би можеле да ја отежнат потрагата“.
Полицијата соопшти дека станува збор за „многу оддалечена област“ со „многу вода во баричките поради временските услови и годишното време“. Неколку патишта биле непроодни поради количината на снег.
Тимот на спасувачи се фокусирал на површина од околу 100 квадратни километри од природниот парк и на крајот го пронашле момчето и го вратиле кај неговото семејство.
Фото: Принтскрин/Twitter
