ИЗДАВАЧИТЕ на британскиот таблоид Mail on Sunday се согласиле да и платат финансиски надомест на војвотката од Сасекс Меган Маркл, три години откако таа ја започна битката за заштита на приватноста поради репродукцијата на нејзиното рачно напишано писмо до нејзиниот татко.
Весникот објави изјава на дното на насловната страница во која им објасни на читателите дека Маркл победила во правен спор за кршење на авторските права против Associated Newspapers, која е сопственик на таблоидот Mail on Sunday, за написите објавени во Mail on Sunday и пренесени на Mejl onlajn.
View this post on Instagram
Таблоидот навел дека ги прекршил авторските права и дека е договорен финансиски надомест, пренесува „Гардијан“.
Војвотката ги тужеше Associated Newspapers за пет написи, кои репродуцираа делови од нејзиното „лично и приватно“ писмо до татко и Томас Маркл во август 2018. година.
Таа го доби случајот претходно оваа година, кога судијата на Високиот суд пресуди во нејзина корист без судење.
Associated Newspapers поднесе жалба со образложение дека случајот требало да оди на судење, но судот ја одби жалбата претходно овој месец.
View this post on Instagram
Судиите одлучиле дека војвотката има „разумни очекувања“ за почитување на приватноста во однос на содржината на писмото.
-Таа содржина беше лична, приватна и не беше прашање од легитимен јавен интерес, изјавил еден од судиите.
Маркл тогаш повикала на преобликување на индустријата на таблоидите.
Фото: Принтскрин/Instagram