Холивудскиот глумец со години се борел со зависноста од алкохол, а капката која ја прелила чашата била кога тригодишниот син го пронашол како пијан и без свест лежи во дневниот престој…
Канадско – американскиот глумец Мајкл Џ. Фокс (57) имал само 29. години кога му била дијагностицирана Паркинсонова болест. За Closer Weekly опишал што за него значела таа дијагноза.
„Искрено, им реков на лекарите:’Знаете ли вие кој сум јас? Мора да сте се збуниле’….Мислев дека е невозможно тоа да ми се случи токму мене. Дијагнозата ме преплаши. Едноставно избегав од неа…А, утеха, за жал, барав во алкохолот“, признала ѕвездата на филмот „Враќање во иднината“.
Холивудскиот глумец со години се борел со зависноста од алкохол, а капката која ја прелила чашата била кога тригодишниот син го пронашол како пијан и без свест лежи во дневниот престој.
„Пиев за да заборавам на болеста и да ја избркам што подалеку, но само предизвикував напнатост во сопствениот брак“, рекол Фокс кој е веќе 30. години во брак со глумицата Трејси Полан (58).
Токму подршката на неговото семејство му помогнала да побара помош и својот живот да го доведе во ред, и покрај тешката болест која го следи скоро цела негова кариера.
„До сега требаше веќе да бидам неподвижен, а далеку сум од тоа“, открил пред три години за списанието „Haute Living“. Во медиумите често истакнувал дека болеста го направила подобра личност, а спасот од последиците на болеста го пронашол во медитациите.
За да ја подигне свеста на јавноста за една од најтешките болести на денешницата Фокс досега донирал повеќе од 650. милиони долари за истражување на Паркинсоновата болест.