ekran платформа за слободоумни
Викендов во Струмица се одржа хуманитарна модна ревија на кој присуствуваше и Зорица Зева, сопруга на македонскиот преиер, Зоран Заев.
Во црн костум, бела кошула и вратоврска, сопругата на премиерот Зоран Заев, Зорица, денес беше дел од модната ревија која се одржа во Струмица во клубот „Индустријал“. Појавувањето на Заева на модната писта е во знак на поддршка на лицата со ретки болести, настан што секој декември го организира здружението „Вера“.
Зорица Заева на самата ревија прошета со Александар Матковски-Цако, студент со Даунов синдром
Модната ревија се одржа во присуство на многу гости, а на ревијата учествувале и децата со посебни потреби. Оваа година настанот беше под мотото „Убави сме, свои сме“.
Моделите носеа облека од бутиците во Струмица. Влезот беше по цена од 50. денари, а собраните средства се наменети за здружението за помош и поддршка на лицата со Даунов синдром, „Вера“ од Струмица“.На модната писта во клубот „Индустријал“ со насмевки на лицето поминаа Верче, Дејан, Азал, Ева, Максим, Лиза, Бурчин, Јован, Матилда, Иван, Ана Марија и Цако, кои во повеќе модели блеснаа како манекени и манекенки, придружувани од јавни личности. Нивната среќа беше неизмерна што станаа звезди за кусо време и се дружеа со пејачи, актери, политичари, новинари, меѓу кои и Зорица Заева, сопругата на премиерот Зоран Заев.
„Поканата за модната ревија се случи на еден настан кој беше организиран во Струмица за лицата со посебни потреби.На самиот настан на кој присуствував ме покани Анче Туфекчиева за да учествувам и така се нафатив, секако без двоумење“ изјави Заева неодамна.
