ekran платформа за слободоумни
На интимна церемонија, одржана во Лондон, глумецот Џад Лоу се венчал со Филипа Коан, а меѓу званиците биле само најблиски пријатели и семејството.
Кога во февруари потврдиле дека после четири години врска се свршиле, никој не очекувал дека венчавката на Џад Лоу и неговата 14. години помлада партнерка, Филипа Коан, ќе се случи така бргу.
Само три месеци подоцна, на интимна церемонија во Лондон, 46. годишниот глумец и се ветил на верност на својата животна партнерка. На венчавката присуствувале само најблиски пријатели и семејството, а за својот ден од соништата Филипа избрала необично кусо фустанче со боја на шампанско и соодветен шешир, додека Џад Лоу изгледал елегантно во темен костум.
Венчавката е одржана кај матичар и тоа во Градското собрание каде пристигнале заедно во „Ренџ ровер“. Еден час подоцна од собранието излегле заедно со венчални прстени на рацете.
Обредот многумина изненадил, бидејќи се нагаѓало дека парот ќе се венча оваа пролет во франција и дека на славјето ќе присуствуваат и неговите холивудски колеги. Се нагаѓа дека на Џад Лоу венчан кум му бил неговиот најстар син Раферти, кого го добил во бракот со Седи Фрост.
