(ФОТО) Единствено: Ролат од тиквички со шунка и сирење

Ролатот од тиквички со шунка е јадење кое за неколку минути „ќе исчезне“ од масата…
Ви донесуваме рецепт за ова единствено јадење, за појадок, ручек или вечера – по ваша воља.
Потребно ви е:
3 тиквички
3 јајца
3 – 4 лажици брашно
1 лажица масло
лук
1 лажица сечкан копар
1 лажица сечкан магдонос
сол, црн пипер
Фил:
125 г крем сирење
100 г жолто сирење
180 г шунка
Подготовка: тиквичките се лупат и рендаат, насолете и оставете да отстојат а потоа убаво исцедете. Додајте ги изматените јајца и другите состојки и хомогената смеса истурете ја на плех од шпорет покриен со хартија за печење. Израмнете ја смесата и ставете во рерна загреана на 180 степени па оставете да се пече околу 20 – 25 минути.
Испеченото тесто заедно со хартијата извадете го од тавата и завиткајте како ролат (со хартијата или со кујнска крпа). Оставете да се излади.
Фил: крем сирењето измешајте го со ренданото сирење. Одвиткајте го ролатот, отстранете ја хартијата, намачкајте со крем сирењето и нанесете ја шунката. Завиткајте ролат и оставете убаво да се излади.