ekran платформа за слободоумни
Ко-основачот на Мајкрософт ги повикал другите најбогати луѓе да се осмелат и да го сторат истото.
Бил Гејтс вели дека планира да го донира речиси целото свое богатство на фондацијата што ја основал со неговата поранешна сопруга Мелинда, до тој степен што на крајот повеќе нема да биде меѓу најбогатите луѓе во светот.
I have an obligation to return my resources to society in ways that have the greatest impact for reducing suffering and improving lives. And I hope others in positions of great wealth and privilege will step up in this moment too.
— Bill Gates (@BillGates) July 13, 2022
Ко-основачот на компанијата Мајкрософт на платформата Твитер изјави дека планира да го донира „практично целото свое богатство“ на фондацијата Бил и Мелинда Гејтс и дека со овој потег „ќе се симне од листата на најбогати луѓе во светот.”
Гејтс моментално е четвртиот најбогат човек во светот со проценета нето вредност од 129. милијарди долари, според магазинот Форбс, кој води на листата. Се смета и за најголемиот приватен сопственик на земјоделско земјиште во САД. бидејќи поседува повеќе од 260.000 хектари во десетици држави.
As I look to the future, I plan to give virtually all of my wealth to the foundation. I will move down and eventually off of the list of the world’s richest people.
— Bill Gates (@BillGates) July 13, 2022
Како што верува Гејтс, тој има обврска да ги врати своите ресурси во општеството на начини кои ќе имаат најголемо влијание за намалување на страдањата и подобрување на животите. „Се надевам дека во овој момент ќе се појават и други од позиции со големо богатство и привилегии“, рече Гејтс.
Во своите објави на социјалните мрежи, Гејтс го пофали и третиот најбогат човек во светот, извршниот директор на Беркшир Хатавеј, Ворен Бафет, за неговиот придонес во фондацијата Гејтс.
„Иако фондацијата ги носи нашите имиња, во суштина половина од нашите ресурси доаѓаат од Ворен Бафет“, напишал Гејтс. „Неговата неверојатна дарежливост е огромна причина зошто фондацијата можеше да биде толку амбициозна. Никогаш не можам адекватно да изразам колку го ценам неговото пријателство и лидерство“.
Бил Гејтс, Мелинда Френч Гејтс и Ворен Бафет ја започнаа кампањата Giving Pledge во 2010. година, барајќи од најбогатите во светот да се обврзат да донираат повеќе од половина од своето богатство во напорите за решавање на најголемите предизвици во светот. Од јуни 2022. година, кампањата има 236. потписници од 28. земји.
Фото: Принтскрин/YouTube/60 MINUTES
