Македонската Радио Телевизија ексклузивно ќе го емитува 94-то доделување на најпрестижните филмски награди во светот, Оскарите…
Македонската Радио Телевизија ексклузивно ќе го емитува 94-то доделување на Оскарите в недела, 27-ми март. Академијата за филмски уметности и науки ќе ги награди најдобрите остварувања во 2021 година. Вестернот „Моќта на кучето“ има 12 номинации, научно фантастичниот спектакл „Дина“ 10, а по седум номинации добија „Белфаст“ и „Приказна од западната страна“.
View this post on Instagram
На Оскаровската церемонија ќе се појават најзначајните имиња од филмската индустрија, од номинираните до презентерите на наградите.
View this post on Instagram
Реџина Хол, Ејми Шумер и Ванда Сајкс првпат ќе бидат водителки на Оскаровската церемонија.
„Годинава идејата на Оскаровското шоу е да се обединат љубителите на филмот. Затоа и поканивме три од најдинамичните, забавни жени со многу различни стилови во комедијата“, изјави продуцентот на шоуто Вил Пакер.
Доделувањето на најпрестижните филмски награди во светот, кое ќе се одржи во театарот Долби во Холивуд и Хајланд®, Холивуд, ќе го пренесуваат преку 200 територии во светот.
Оскаровската забава започнува со преносот од Црвениот тепих во 00.30, а доделувањето е планирано за 02. часот
Фото: Принтскрин/Instagram