ekran платформа за слободоумни
Двојничката на кралицата Елизабета II. рекла дека решила да се повлече од сегашната работа по 34. години „од почит“ кон најдолговечниот британскиот монарх, кој почина во четвртокот, но сепак ќе ја чува својата кралска облека во спомен на жената за која вели дека ја доживеала како член на семејството.
Мери Рејнолдс (89), која живее во Епинг, Есекс, првпат станала двојничка на кралицата во 1988. година, но всушност првпат и било кажано дека личи на Елизабета кога имала 17. години.
Таа се појавувала во телевизија и филм, а некои од нејзините врвни моменти вклучуваат глумење во комедијата „Булси“ од 1990. година со покојниот Сер Роџер Мур и појавување во тв серијата Doctor Who по повод 25-годишнината од прикажувањето.
Ќе ги задржи сите нејзини кралски облеки
Рејнолдс им кажала на новинарите дека е среќна што личи на британската кралица, но дека по смртта на Елизабета решила да се откаже од претходната работа „од почит“ кон монархот. Таа исто така рекла дека оваа одлука ја прави „многу тажна“.
„Само што се вселив во нова куќа. Имам две полни кутии со капи и штотуку најдов каде ќе ги чувам, а потоа сфаќам дека повеќе нема да ми требаат“.
Таа рекла дека веројатно ќе ги задржи сите нејзини облеки за „кралица“, бидејќи тие се дел од нејзиниот живот толку долго. Таа им открила на новинарите и дека одамна има две гардероби дома: едната за сопствената облека, а другата за кралицата, од која со задоволство позајмувала парче облека кога пригодата била особено празнична.
Никогаш не ја запознала кралицата
Сеќавајќи се на моменти од нејзината кариера, Мери Рејнолдс раскажува дека луѓето реагирале на секакви начини кога ќе ја видат, мислејќи некое време дека таа навистина е британската кралица. Најчесто од неа барале заедничка фотографија.
Иако никогаш не ја запознала кралицата Елизабета Втора, Рејнолдс вели дека секогаш ги следела сите важни настани во животот на кралицата.
Фото: Принтскрин/YouTube
