Денес роденден прославува нашиот сликар Јован Шумковски

Јован Шумковски е роден на 18 јануари 1962 година во Скопје. Тој е македонски сликар и универзитетски професор на Факултетот за ликовни уметности во Скопје.

Шумковски е значаен за промените во македонската уметност во постмодернизмот.

Дипломирал во 1986 година, а магистрирал во 1999 година на Факултетот за ликовни уметности во Скопје. Самостојно излагал во Скопје, Белград, Брисел, Њујорк и Стокхолм. Учествувал на биеналето во Сао Паоло во 1994 година и во Венеција во 2001 година.

Во сликите, објектите и инсталациите го практикува методот на деконструкција на моделите и на значењата на јазикот на модерната уметност.

Учествува на многубројни групни изложби и значајни интернационални проекти. Редовен професор е на ФЛУ од 2002 година.

Редакцијата на Екран ја користи оваа прилика и му го честита роденденот на Јован Шумковски.