Данска ги истребува животните кај кои короната мутирала

Данска ќе ја уништи популацијата на визони, бидејќи кај овие животни е пронајден мутиран коронавирус, кој се проширил на луѓето.
Властите во Данска, која е најголем светски производител на крзно од визон, и има од 15. до 17. милиони од тие животни од семејството на куни, соопштиле дека се пронајдени пет случаи на нов вид на вирус во фармите кај овие животни и 12. кај луѓето.
Премиерот Мета Фредериксен во средата рекол дека здравствените власти откриле нов вид на вирус кај луѓето и визонот, што ја намалува можноста за производство на антитела, што може да ја намали ефикасноста на идната вакцина за коронавирус.
„Имаме голема одговорност кон нашето население, но со мутацијата што сега е откриена, имаме уште поголема одговорност кон светот“, рече Фредериксен, пренесува бриселскиот портал Euractiv.com.
Откритијата се базираат на лабораториски тестови спроведени од Државниот серумски институт за инфективни болести. Податоците беа доставени до Светската здравствена организација (СЗО) и Европскиот центар за превенција и контрола на болести.
„Најлошото сценарио е нова пандемија што повторно ќе започне во Данска“, рекол Каре Молбак, директор на Државниот институт за серум.

Директорот на програмата на СЗО за вонредни ситуации, Мајк Рајан, побарал научно истражување за прашањето за пренесување на вирусот од луѓе на визони, од кои вирусот повторно се пренесува на луѓето.
„Данска нè информираше за случаи кога луѓето биле заразени со вирусот на корона од визони, со некои генетски промени во вирусот. Данските власти ја испитуваат епидемиолошката и вирусолошката важност на овие наоди“, се вели во соопштението на СЗО испратено до Ројтерс.
На фармите со визони во Данска сè уште има жаришта на епидемии, иако заразените животни се убиени од јуни, а полицијата и армијата сега ќе учествуваат во тоа. Во областите на северот на Данска, каде што има голем број фарми со визони, ќе се засилат мерките за контрола на пандемијата и следење на ширењето на инфекцијата.
Визоните беа истребени во Холандија и Шпанија поради ширењето на инфекцијата.