ekran платформа за слободоумни
Чистењето на тоалетот не мора да биде комплицирано.
Чистачите за тоалети што ги користиме обично се полни со хемикалии и силни мириси, затоа е потребно да се грижиме за испарувањето, како и кожата.
За да повеќе немате главоболка од силните хемикалии, ви предлагаме три алтернативни, но подеднакво ефикасни начини на чистење.
Наместо да купувате средства, обидете се да ја исчистите школката со сода бикарбона, лимон, кока-кола, оцет.
Сода и лимон – мирисна комбинација
Во сад ставете околу 200 грама сода бикарбона и додадете неколку капки есенцијално масло од лимон, или свеж сок од лимон. Добро промешајте ја смесата, а потоа истријте ја тоалетната школка со неа.
Оставете да делува еден час, а потоа тријте го со тоалетна четка и пуштете ја водата да измие.
„Можете да го повторувате чистењето со сода и лимон секој ден затоа што е безбедно и совршено го чисти тоалетот“
Газиран сок за варовник и тврдоглави наслаги
Истурете 350 мл газиран сок во чаша, а потоа истурете го по рабовите во тоалетната школка и оставете да делува еден час.
Најпознатиот газиран пијалок содржи киселини кои можат да „разбие“ тешки и тврдоглави дамки. Ако тоалетот е многу валкан, можете да го оставите овој газиран пијалок да делува преку ноќ, па само пуштете ја водата наутро.
Оцетот е идеален за сјај
За овој метод на чистење, ќе ви требаат половина чаша сода бикарбона, 10 капки есенцијално масло од чајно дрво (или лимон) за мирис и половина чаша бел оцет.
„Посипете ја тоалетната чинија со сода, капнете есенцијално масло и попрскајте ја целата внатрешност на школката со оцет“
Водата ќе се пени неколку минути, отстранувајќи тешки дамки. Кога ќе престане, само оставете ја водата да тече, и ќе имате светло бела школка.
