ekran платформа за слободоумни
Коронавирусот се пренесува и преку воздухот, во кој може да остане и до три часа, според најновите сознанија од научниците и Светската здравствена организација!
Според нивното откритие, вирусот може да ги зарази луѓето преку затворен и непроветрени простории преку воздухот. Затоа, е многу важно, тврдат тие, да се носат маски и редовно да се спроведува хигиена и дезинфекција во сите затворени простории.
Подобра заштита
Експертите кои дојдоа до ова знаење објасниле како тоа изгледа. Имено, секоја личност, кога зборува или издишува, испушта ситни честички, кои се шират и можат да распрснат наоколу. Овие честички на тој начин можат да лебдат во воздухот до три часа. Друго лице кое се наоѓа на поголема оддалеченост може да ги вдише и да се зарази, а потоа да ја шири инфекцијата на ист начин.
Бенедета Алегранци, која работи во Светската здравствена организација за превенција и контрола на инфекцијата, истакнала дека оваа организација веќе подолго време ги следи очигледните докази за овој начин на пренесување на инфекцијата.
„Нашите стручни тимови работат на откривање на овој начин на пренесување на вирусот. Сè уште не се знае многу, но се покажа дека многу пациенти се заразиле преку воздухот. Кога сè ќе биде познато, ќе мора да воведеме нови мерки за заштита, бидејќи сегашните нема да бидат доволни. Тоа веројатно би се однесувало на употреба на маски и поригорозно растојание, особено во кафулиња, ресторани и јавен превоз“, рекла таа.
Видлив непријател
Еден член на Кризниот штаб на Србија, епидемиолог д-р Бранислав Тиодоровиќ, се согласува со овие тврдења.
„Имаме непријател пред нас кој не е невидлив, тој е видлив и тоа како. Прво беше индикација дека вирусот се пренесува со капки, паѓајќи на растојание од метар и половина поради тежината. Сега имаме уште една информација, а тоа е дека вирусот се пренесува и преку воздухот. Сè уште не знаеме што е тоа што го крева, без разлика дали тоа е проток на воздух, како ветер или кога го вклучуваме климатизерот.
Едно е сигурно, најбезбедно е да се носат маски во затворено и да се спроведат сите потребни епидемиолошки мерки“, посочува д-р Тиодоровиќ.
Инфектологот д-р Жарко Ранковиќ посочува дека затворените простори и недоволното растојание се најопасни за преносот на короната преку воздух.
„Точно е дека вирусот е во воздухот и дека може да се добие и на тој начин. И тоа е теоријата од почетокот на епидемијата, особено кога зборуваме за капки честички, затоа што тоа е како прво се пренесува. ‘Идеални’ за вакво пренесување на инфекцијата се затворените простории во кои луѓето не можат да имаат оддалеченост од два метра, што го препишуваме како една од водечките мерки за заштита и во која нема циркулација на свеж воздух“, објаснува д-р Ранковиќ.
Како сето тоа започна: хор, ресторан …
Во американскиот град Монт Вернон во Вашингтон, едно лице е осомничено дека заразило најмалку 45 други кои пееја со него во истиот хор. Некои од заразените не прекршиле ниту едно од правилата на социјално растојание.
Сличен инцидент се случил кон крајот на јануари во Гуангдија, Кина, каде се верува дека заразено лице го пренело вирусот на девет други лица кои јаделе во истиот ресторан. Научниците велат дека еден од заразените клиенти седел дури шест метри од носителот на инфекцијата.
И’ доктор Никола Пановски неколку пати посочи дека затворените простори се многу опасни, особено ако се остане подолго време, како на пробите со хор или во теретани. И, додека тој и не ги потенцира средбите на отворено, особено ако се носи заштитна маска, во затворен простор, не во продавница, туку на места (проби на хор на пример) каде вирусот може слободно да циркулира во затворениот простор. Кога се врши на пример проба на хорот сите пеат и оние заболените или асимтоматските за време на тие акции ги исфрлуваат вирусите од себе кои доаѓаат до следен носител…
Сето ова само уште еднаш посочува на две важни мерки против зараза од корона вирус:
– носење маски
– држење социјална дистанца од 2. метри.
