ekran платформа за слободоумни
Пејачката Џеси Џеј објави дека ќе се повлече од социјалните мрежи некое време поради нејзината здравствена состојба. Своето збогување го сподели со 10 -те милиони обожаватели кои ја следат на Инстаграм.
Џеси се бори со болеста Мајнер повеќе од шест месеци, болест на внатрешното уво, која се карактеризира со напади на вртоглавица, гадење и повраќање, како и тинитус и глувост.
Таа кон средината на август проговорила за нејзината состојба и опишала колку е особено тешко за неа да биде погодена од болеста.
„Вчера се обидов да отпеам песна што нормално ја пеам со леснотија и не можев. Проблемот не е мојот глас, туку болеста влијае на мојот глас. Плачев. Со часови. Си дозволив да го почувствувам скршениот дел во мене што честопати го игнорирам иако не треба. Шест дена не поминаа без болка во вратот и грлото. Понекогаш е подобро, понекогаш е полошо”, напишала тогаш меѓу другото, додавајќи дека се обидува да биде позитивна.
Во најновата објава, сепак, таа ги извести фановите дека ќе се повлече од социјалните мрежи додека и биде подобро.
„Ќе исчезнам од социјалните медиуми некое време и ќе се фокусирам 100. проценти на себе и ќе се занимавам со она што се случува со моето тело. Ова го пишувам од љубов и почит кон фановите кои ме следат и поддржуваат овде. Ќе се видиме кога вакви слики ќе се прават во сегашниот момент, а не будат само сеќавање“, напишала таа покрај фотографијата на која пее.
Фото: Принтскрин/Instagram
