Апелациониот суд во Холандија ја суспендирал пресудата со која и се наложува на владата да го откаже полицискиот час во Холандија, бидејќи со тоа се нарушува слободата на движење и собирање.
Судот во Хаг вчера донел одлука дека треба да се укине полицискиот час, за што владата веднаш поднела жалба. Подоцна во текот на денот, повисокиот суд ја суспендирал пресудата, што значи дека полицискиот час ќе продолжи, пренесува Еуроњуз.
Во претходната пресуда, Хашкиот суд изјавил дека „полицискиот час е далекусежно кршење на правото на слобода на движење и приватност и (индиректно) го ограничува, меѓу другото, правото на слобода на собирање и демонстрации“.
View this post on Instagram
Владата побарала и добила забрана или итна наредба, со која тричлениот апелационен совет во Хаг се согласил да ја прекине пресудата и да го задржи полицискиот час во сила до сослушувањето во петок.
View this post on Instagram
Тоа е првиот полициски час во земјата по Втората светска војна и предизвикал масовни протести. Стапи во сила на 23. јануари поради загриженост за ширење на заразната британска верзија на вирусот. Требало да заврши на 9. февруари, но владата минатата недела објавила дека мерката е продолжена до 3. март.
Фото: Instagram