Сахар Фарес, 24-годишна медицинска сестра станала симбол на катастрофата што се случи во Бејрут. Сахар била со пожарникарите кои загинале во експлозиите што се случија во вторникот, а нејзиното семејство и свршеникот за неа во четвртокот подготвиле „свадба“ што никогаш нема да ја има.
Сè било сторено точно како што се случува на либанските свадби, само што овој пат невестата била во ковчег. Музичарите во церемонијални златни фустани свиреле додела пожарникарите го носеле белиот ковчег кон мртовечницата, а членовите на нејзиното семејство фрлале ливчиња од рози и ориз.
هيك عروسة بيروت نزفّت… مش بالفستان الأبيض عريسها شافها.. وصلت لعنده بالتابوت… سحر فارس شهيدة الدفاع المدني. شهيدة #لبنان…
#تفجير_بيروت pic.twitter.com/U9IXklpYT3
— alia awada (@AlyaAwada) August 6, 2020
Нејзиниот свршеник Гилберт Караан го носеле на раменици додека плачејќи се поздравувал со својата сакана.
“Сè што сакаше ќе се почитува. Само нема да бидешво бела венчаница. Ми го скрши срцето, моја љубов. Животот нема вкус откако те нема”, напишал Караан на социјалните медиуми пред церемонијата.
Farewell Sahar. Thank you for your service. Thank you for trying. At one point you will see in the video one man held on the shoulders. This is Sahar's fiance saying goodbye.pic.twitter.com/zuXTfi6KT3
— Jenan Moussa (@jenanmoussa) August 6, 2020
Сахар во вторникот го повикала својот свршеник за да му го покаже големиот пожар што избувнал во пристаништето. Бидејќи во тоа време никој нема потреба од лекарска помош, таа седела во противпожарниот камион гледајќи ги колегите кои се бореле со пожарот. Додека пожарот се проширувал, таа излегла од камионот за подобро да му покаже на свршеникот што се случува. Таа му рекла дека слуша чудни звуци што порано не ги слушнала. Нејзиниот свршеник ја молел да остане настрана, што и го направила, но премногу доцна. Последното нешто што Гилберт го видел биле нејзините чевли додека барала засолниште. Следела експлозија, пишува Њујорк Тајмс.
“Мојата убава невеста. Нашата свадба требаше да се одржи на 6. јуни 2021 година. Наместо тоа ќе биде утре. Те сакав, те сакам и секогаш ќе те сакам. Додека повторно не се обединам со тебе и го продолжиме нашето патување заедно”, напишал Гилберт во средата на социјалните медиуми.
Тагата поради трагичната судбина на младата Сахар била изразена на социјалните мрежи од луѓе од целиот свет, нарекувајќи ја либанска невеста.