(ВИДЕО+ФОТО) Несекојдневен случај: Жена во иста година два пати родила близнаци

За 25. годишната Александрија Волистон 2019. година била доста возбудлива. Имено, на 13. март таа ги родила еднојајчаните близнаци Малаки и Марк, а на 27. декември на свет ги донела близнаците, момчињата, Кајлен и Кејлеб.

Звучи невозможно? Оваа млада мајка е доказ дека е можно. Иако, лекарите се согласуваат дека шансите во иста година да се родат два пара близнаци се помали од шансите за добивка на лото.
Александрија, која покрај своите четири момчиња е мајка и на ќерката Ар’мани (2), признава дека не планирала да има повеќе деца после првите близнаци. Затоа за резултатот од ултразвукот во јуни, на кој дознала дека е повторно бремена и дека повторно носи близнаци, не била целосно подготвена.

Како што вели таа се плашела дека нејзиното семејство драматично ќе се зголеми, но се прашувала дали нејзиното тело е подготвено за уште една бременост за толку кратко време. На крајот, се покажало дека нејзината втора бременост на близнаци е полесна од првата, и за да биде уште полесна, решила да се пресели кај нејзината мајка, која цело време и помагала.
Дури подоцна открила дека близнаците во нејзиното семејство биле многу чести. Имено, и двете баби изгубиле момчиња, близнаци, па Волистон смета дека четирите сина се всушност „подарок од рајот“.

„Тоа ми помага да останам позитивна. Се чувствувам како да ми ги дадоа своите деца“, изјавила таа во интервју за Today.