Филмот „Fast X“ пристигнува во кината овој месец, но пред тоа беше објавен уште еден трејлер.
Последниот трејлер е малку поинаков од другите, но се фокусира на целото семејство воопшто со посебен фокус на Доминик Торет (Вин Дизел) и неговата партнерка Лети Ортиз (Мишел Родригез). Трејлерот се отвора со Лети како спие додека Дом ја гледа. Тогаш се слуша неговиот глас како зборува за отворени патишта, чистота на умот и неговото срце кое и припаѓа на Лети од првиот ден.
Тој зборува и за својот животен стил со мотото „четврт километар во исто време“, но работите се смениле бидејќи парот сега добил син. Всушност, Дом има син од времето кога мислел дека Лети е мртва и кога неговото срце и припаѓало на сега веќе мртвата полицајка Елена (Елса Патаки).
Во трејлерот се прикажани и тензични настани, огромни топки кои се тркалаат и уништуваат се пред себе, како и магнетни бомби кои експлодираат. Тука се и неизбежните Dodge Chargers, како и мноштво ѕвезди вклучувајќи го Џејсон Момоа како Данте. Бри Ларсон ја игра Тес, членка на тајна владина организација која е очигледно на позитивната страна, за разлика од другите.
Исто така, трејлерот е полн со потсетници за тоа што фановите можеа да го видат во претходните филмови.
„Fast X“ пристигнува во кината на 19 мај.
Фото: Принтскрин/YouTube