ekran платформа за слободоумни
АХМЕД ХАФНАОУИ креираше една од најголемите пливачки сензации во поновата историја на Олимписките игри откако освои златен медал на 400 метри слободно.
Неверојатниот 18-годишен Тунижанец на тој начин ги победи фаворизираниот Австралиец Џек Меклафлин, кој заврши втор, и Американецот Киран Смит, кој освои бронза. Фактот што Хафнауи пливаше во најтешката, патека број 8, односно дека едвај се пласираше на последната трка, доволно зборува колку е сензационална неговата победа. Тунижанецот беше во заостаток во целата трка, но тој направи фантастични последни 50 метри и надокнади 40 стотинки на последната делница.
Хафнаоуи ја заврши трката за време 3:43,36, скоро две и пол секунди побрзо отколку во квалификациите и стана само третиот пливач во историјата што освоил злато од патеката број 8. Ова е првото злато за Тунис во оваа дисциплина и трето пливачко во историјата.
18-year-old 🇹🇳 Ahmed Hafnaoui of Tunisia came from behind to win gold in the men's 400-meter freestyle. https://t.co/oGx14Hwtpn pic.twitter.com/o9leZwGnw3
— NYT Graphics (@nytgraphics) July 25, 2021
„Едноставно не можам да верувам. Ова е остварување на сите мои соништа. Никогаш не сум пливал подобро во животот отколку овој пат. Го посветувам својот медал на мајка ми, тато и сестрите. Сакам да бидат горди на јас“, рече Тунижанецот во еден здив по трката.
"I'm Olympic champion now… I just can't believe."
Tunisia's Ahmed Hafnaoui shocks the men's 400m IM field coming from lane 8 to win Olympic gold. #TokyoOlympics pic.twitter.com/LklNnYtAtA
— #TokyoOlympics (@NBCOlympics) July 25, 2021
До минатата година, Хафнауи беше рангиран надвор од најдобрите 100 пливачи во светот, и пристигна во Токио како 17-ти пливач на ранг-листата на ФИНА.
Tunisia's Ahmed Hafnaoui wins men's 400m freestyle goldhttps://t.co/nCe7Nd48f2
— HT Sports (@HTSportsNews) July 25, 2021
Фото: Принтскрин/Twitter
