Во Чиле, во рударската област Тиера Амарила, за време на викендот се појавила огромна дупка со дијаметар од околу 25. метри, која сега ја истражуваат чилеанските власти.
Локалните медиуми покажаа снимки од воздух од дупката во земјата.
Таа област, на околу 665. километри северно од главниот град Сантијаго, е минирана од канадската компанија Lundin Mining, пишува Гардијан.
Сернагеомин, националната геолошка и рударска служба, дознала за дупката во саботата и испратила експертски персонал во областа, рекол директорот на службата Дејвид Монтенегро.
„До дното има значително растојание, приближно 200 метри. Не откривме никаков материјал во дупката, но видовме присуство на голема количина вода“, истакнал Монтенегро.
Сернагеомин известил за затворање на областа од влезот на локацијата на рудникот Алкапароса, која се наоѓа во близина на дупката. Ландин Манинг вчера соопштил дека дупката не влијаела ниту на работниците, ниту на заедницата.
Aparece enorme socavón de 25 metros de diámetro en Atacama
El orificio apareció el sábado en la comuna de Tierra Amarilla, Región de Atacama, en terrenos de la operación minera subterránea de cobre Alcaparrosa de Candelaria.
Qué te parece? Te leemos! pic.twitter.com/5r67dNTEsi
— Ladera Sur 🌎 (@ladera_sur) August 1, 2022
„По откривањето на дупката, областа веднаш е изолирана и информирани се соодветните регулаторни органи. Во тек е техничка анализа за да се утврди причината за дупката. Најблиската куќа е на 600. метри од дупката, а населените места и јавните служби се на речиси еден километар оддалеченост од местото на формирање на дупката“, објавила канадската компанија.
Фото: Принтскрин/YouTube