Видеото, направено во Истанбул, неодоливо потсетува на цртаниот филм „Том и Џери“ и неговите главни ликови, а прикажува симпатична игра на мачка и глушец.
Иако мачките и глувците треба да бидат „природни непријатели“ или ривали како ликовите од култниот цртан филм, снимката направена во Турција покажува дека може и поинаку.
На видеото објавено на Инстаграм се гледа како мачка лови глушец, дури и го носи, но на крајот повторно го спушта на земја додека ја продолжуваат играта.
Со соодветен опис на „Том и Џери од реалниот живот“, симпатичното видео ја доловува „неуспешната“ потера на мачката по глушецот.
View this post on Instagram
Во коментарот на објавата се нагласува дека „нема повредени глувци“ за време на снимањето на видеото.
Авторката на видеото открила дека ги забележала симпатичните сцени додека го чекала бродот во Истанбул и дека не можела да одолее да не ги овековечи со својот мобилен телефон.
Фото: Принтскрин/Instagram