(ВИДЕО) Умрела славна српска глумица која глумела во дури два филма за Џемс Бонд

Српската глумица Наџа Редин починала во 88. година на живот.
Веста е објавена на службениот профил на Џемс Бонд на Твитер бидејќи Наџа била една од Бонд девојките.
„Жал ни е што мораме да известиме дека Наџа Регин починала на 87. години. Наџа се појавила во два филма за Џемс Бонд, „Од Русија со љубов“ и „Голдфингер“. Во овие тажни моменти нашите мисли се со нејзиното семејство и пријателите“, стои во објавата.

We are very sorry to learn that Nadja Regin has passed away at the age of 87. Nadja appeared in two Bond films, FROM RUSSIA WITH LOVE and GOLDFINGER. Our thoughts are with her family and friends at this sad time. pic.twitter.com/PVriNun3MY

— James Bond (@007) April 8, 2019

Наџа во филмот „Од Русија со љубов“ ја отелотворила љубовницата на британскиот шпион Керим Беј, додека во „Голдфингер“ била стомачна танчерка, Бонита.
Признала дека прво не сакала да ја прифати улогата во филмот за Џемс Бонд.
„Прво ми беше многу непријатно бидејќи тоа беа мали улоги.Но, кога британската кралица имаше мала улога, си помислив, да, ако е филмот добар за неа, не мора да биде непријатно“, рекла своевремено Наџа Регин.

Регин е родена на 2. декември 1931. година во Ниш, во Србија. Актерската академија ја завршила во Белград. Дипломирала и филозофија. Во 50. ттите години на минатиот век со сопругот се преселила во Велика Британија а во почетокот не знаела англиски јазик.
Со глума почнала да се бави како студентка, глумејќи во југословенско-германски копродукции.
Пред една недела е објавено дека починала уште една Бонд девојка, британската глумица Таниа Малет, инаку роднина на Хелен Мирен.