НАЈНОВАТА Корвета е толку пожелна што некои се спремни да направат се за еден круг по населбата.
Шегата настрана, ова е веројатно најлошиот кошмар на продавачот на автомобили. Додека на заинтересиран клиент ја покажувал Корветата по тест возењето, клиентот одлучил да остане да седи во автомобилот, ја заклучи вратата и исчезна од салонот со малку гас. На се бил сведок колега кој ја снимил оваа, благо речено, невообичаена ситуација.
Добрата вест е дека автомобилот брзо бил вратен во изложбениот салон на Шевролет во Вирџинија. Имено, непослушниот „купувач“ возел низ неколку населби и потоа се откажал, оставајќи го автомобилот покрај патот. Други извори велат дека тој бил запрен од полицијата по неколку блокади.
Corvette C8 е еден од најбараните нови автомобили на американскиот пазар. И покрај високата цена, списоците на чекање стануваат се подолги, и се бара секоја можност да се дојде во посед на автомобилот. Барем за некое време, бидејќи 6.2 V8 со 500 КС е едноставно неодолив, особено во „пакувањето“ кога до стотка ќе ве доведе за околу 3. секунди.
Фото: Принтскрин/Facebook/C8 Corvette Owners (And Friends)