Американскиот претседател Доналд Трамп се огласи на својот профил на Твитер. Тој најпрво се заблагодари на медицинскиот персонал за професионалноста и работата што ја завршиле.
Тој рекол дека дошол во болницата „Волтер Рид“ затоа што „не се чувствувал најдобро“.
„Сега се чувствувам многу подобро. Работиме напорно за да се вратиам што е можно побрзо затоа што имаме уште многу да направиме за да ја направиме Америка повторно голема.Ќе се вратам наскоро и со нетрпение очекувам да ја завршам кампањата на начинот на кој ја започнавме“, рекол тој и додал дека тоа се случило затоа што тој не бил подготвен да ги слуша советите да се затвори во Белата куќа и да не контактира со никого.
„Не сакав да останам во Белата куќа и да се кријам и да чекам да видам што ќе се случи. Лидерите мора да се соочат со проблемите“, рекол тој, додавајќи дека неговата сопруга Меланија е добро.
„Таа е малку помлада од мене и го поднесува ова како што се очекува за нејзините години“, додал Трамп.
— Donald J. Trump (@realDonaldTrump) October 3, 2020
Трамп од вчера се лекуваше во воената болница „Волтер Рид“, откако било потврдено дека е позитивен на вирусот корона.
„Ова е нешто што им се случи на милиони луѓе не само во Америка, туку и во целиот свет, и јас се борам и за нив. Ние ќе го победиме овој вирус на корона, или како и да сакате да го наречете, и ќе го победиме убедливо“, рекол Трамп во видео обраќањето.