Кога во вас е музиката и големата љубов кон неа кога и да е ќе и се вратите. И’, токму тоа се случува со двоецот од групата „Аманет“, многу симболично за нивната голема љубов кон музиката.
Деновиве во етерот, како и преку социјалните мрежи, битолската група ”Аманет” ја промовира првата песна со наслов ”Македонија”. Станува збор за композиција во поп-рок стил, од авторот Драган Романски, кој ги напиша музиката и текстот. Песната е снимена во студиото на Сашо Паркет во Битола.
„Аманет“ е проект на двајца битолчани, Шенол Мемиш и Драган Романски, кои речиси по две децении се враќаат во музичките води. Шенол Мемиш беше активен во деведесеттите години од минатиот век како соло пејач и во 1997. година објави соло касета со 8 песни“. Песната „Македонија“ е нивна прва заедничка песна. Во снимањето на песната и видеото учествуваа и Томе Јанкуловски, Софија Кочовска, Димитар Спасевски, Сашо Паркет и Филип Спасевски.
Видеото за песната го изработи Димитар Маневски.