ekran платформа за слободоумни
Покрај тоа што е продуцент на „Concrete Cowboy“, Идрис Елба ќе игра и еден од главните ликови. Овој филм ќе им биде претставен на корисниците на Нетфликс во 2021 година, пишува „Варајати“.
Филмот беше премиерно прикажан на филмскиот фестивал во Торонто во септември, по што Нетфликс го купи.
Заплетот на филмот го следи петнаесетгодишниот Кол, кого го толкува Кејлеб Меклафлин. Кога неговата мајка го праќа да живее со неговиот татко во Филаделфија, Кол го открива магичниот свет на јавање.
Во филмот играат и Џарел Џером, Лореин Тусен, Бајрон Бауерс и Клифорд Смит.
Филмот се базира на книгата „Гето каубој“ напишана од Грегори Нери.
