ekran платформа за слободоумни
Првата епизода од осмата, последна сезона на хит ХБО серијата „Игри на престолите“ во Македонија ќе биде достапна на ХБО 1 од 03. часот, во исто време со американската премиера и повторно утре (понеделник) од 20. часот додека новите продолжувања ќе следат секој понеделник.
Темелена на популарниот фантастичен серијал книги на Џорџ Р.Р. Мартин, „Игри на престолите“ е епска приказна за предавство и племенитост сместена во земјата Вестерос, каде летата и зимите можат да траат со години, а само желбата за моќ е вечна. Во седум кралства на Вестерос, кој и да управува со Железниот престој, поседува неверојатна моќ, а серијата се концентрира на успонот и падот на неколку семејства кои таа моќ ја сакаат по секоја цена. Ова е приказна за дволичност и предавство,племенитост и чест, освојуавње и триумф. Во „Игри на престолите“ или победувате или умирате.
Како најгледана серија во историјата на ХБО и светски телевизиски феномен, „Игри на престолите“ до денес освоила бројни признанија, вклучувајќи дури 47. Еми награди.
Меѓу познатите глумци кои ги толкуваат главните ликови се Питер Динклиџ, Николај Костер-Валдау, Лена Хедли, Емилиа Кларк, Кит Харингтон, Лиан Канингам, Мејси Вилијамс, Софи Тарнер Гвендолин Кристи, Џон Бредли, Кристофер Хивју и многу други.
Режијата на новата сезона, која ќе содржи шест епизоди, ја потпишуваат Дејвид Беноф и Д.Б Вајс, Дејвид Нутер и Мигуел Сопочник. Покрај Бениоф и Вајс, сценаристи на последната сезона се Брахан Когман и Дејв Хил.
Foto: Helen Sloan/HBO
Екран.мк/mojtv.hr
