Лекар во одделот за брза помош во западната руска област Воронеж се наоѓа во сериозна состојба, откако паднал од прозорецот на болницата после поплаките дека бил принуден да работи дури и откако бил позитивно тестиран за КОВИД-19, што е трет ваков случај во земјата во последните денови.
Колегите на Александар Шулепов и претставниците на регионалните група за коронавирус соопштиле дека во текот на викендот Шулепов на 2. мај. паднал од прозорецот на вториот кат во болница каде што работел и бил на лекување на коронавирус во градот Новаја Усман. Тој во моментов е во одделот за итни случаи со фрактура на черепот.
Истиот ден кога бил примен, Шулепов и неговиот колега Александар Косијакин објавиле видео во кое се жалат дека, дури и по тестирањето, нивниот шеф го натерал Шулепов и другите колеги да работат заедно.
Три дена подоцна, Шулепов ја повлекол својата првична изјава велејќи дека неговото видео со Косијакин е снимено додека бил во „емотивна состојба“, непосредно откако дознал за неговата дијагноза КОВИД-19.
Екран.мк/ATVBL
Фото: Скриншот