По интернет кружи видео од Индија каде селанец со стап го удрил слонот, но наместо да го избрка како што било планирано, слонот започнал да го брка селанецот.
Селаните ги забележале слоновите на нивите како им ги јадат посеаните култури и се обиделе да ги истераат. Еден земал стап и почнал да го удира слонот. Но, наместо да го избркаат како што било планирано, слонот се свртел и почнал да трча по него. Човекот веднаш побегнал, но слонот брзо трчал по него, па селаните кои биле со него викале да трча побрзо.
Еден очевидец раскажал дека мажот бегал од слонот сè додека не скокнал во една дупка и ползејќи избегал од лутото животно, пренесува „Дејли меил“. Експертот за животински свет Субхенду Малик изјавил дека луѓето не треба да им пристапуваат на слоновите затоа што тие честопати не се свесни за нивната брзина, па затоа ја потценуваат мислејќи дека заради нивната тежина тие се бавни за движење, што не е точно.