ekran платформа за слободоумни
Некои луѓе во Кина не жалат труд за да ги заобиколат строгите владини правила за патување за време на епидемијата на коронавирус.
Минатата недела полицијата во Шангај објавила видео на кое се гледа како една жена се крие во багажникот на автомобил, обидувајќи се да се провлече во градот.
Жената неодамна го посетила својот роден град во провинцијата Хубеи, центарот на избувнување на коронавирусот, за кинеска нова година и се вратила во Шангај, каде што работи.
Повеќето градови во покраината Хубеи се затворени од крајот на јануари. Оние што успеале да ја напуштат покраината како и да е, ги запираат кога ќе пристигнат во Шангај и мора да бидат подложени на задолжителен 14. дневен карантин.
Властите соопштиле дека неидентификувана жена се обидела да ги заобиколи правилата, обидувајќи се со автомобил на еден пријател да си замине од родниот град. Тој бил запрен на контролниот пункт во предградието на градот, каде полицајците ја откриле жената во багажникот, пренесува Шајн Њус.
И жената и нејзиниот придружник немале температура, но сепак биле однесени во карантин, во секој случај.
Новинар на Си-Ен-Ен неодамна го посетил Шангај за да покаже како трговскиот центар се претворил во град на духови благодарение на коронавирусот. Патниците што пристигнуваат во транзитните центри во градот се надгледувани и потоа треба да ги предадат своите телефони за да владините службеници можат да утврдат каде патувале.
Најмалку 1.875 луѓе починале од коронавируси во Кина. Пријавени се неколку смртни случаи надвор од земјата.
Вирусот, кој ја предизвикува болеста официјално познат како СОВИД-19, се раширил во сите провинции и региони во Кина, како и во 26. други земји.
