Наградите САГ кои во Лос Ангелес ги доделува Здружението на филмски и телевизиски глумци, минале во знакот на филмот „Три рекламни паноа на приодот Ебинг, Мисури“ кој ја добил главната награда…
Three Billboards Outside Ebbing, Missouri takes home the Actor® for Outstanding Performance by a Cast in a Motion Picture! #sagawards 🎭 pic.twitter.com/crEqhsbagL
— SAG Awards® (@SAGawards) January 22, 2018
Филмот „Три билборди пред Ебинг во Мисури“, драма на Ирецот Мартин Мекдонаг, ја освои главната награда САГ (Американската асоцијација на филмски актери), која на некој начин се смета за показател за претстојните Оскари.
Овој филм се вброи меѓу фаворитите за Оскар, заедно со фантастичната мелодрама „Обликот на водата“ на мексиканскиот режисер Гиљермо дел Торо.
Френсис Мекдорманд, главна актерка од филмот „Три билборди“, горчлива драма за мајка што изнајмува паноа за да протестира поради бавната истрага за смртта на нејзината ќерка, ја освои наградата за најдобра актерка во главна улога.
Congratulations again to Gary Oldman, who took home his first ever Actor® tonight! #sagawards pic.twitter.com/0WRpcL6LSN
— SAG Awards® (@SAGawards) January 22, 2018
Мекдорманд сега се смета за главна кандидатка за Оскар во посочената категорија, исто како и Гери Олдман во машка конкуренција. Овој 59-годишен Британец доби награда САГ за улогата на Винстон Черчил во филмот „Најмрачниот час“.
Наградата за најдобра споредна машка улога ја освои Сем Роквел за „Три билборди пред Ебинг во Мисури“, а за најдобра споредна женска улога беше наградена Алиса Џенеј за остварувањето во филмот „Јас, Тоња“, во која ја глуми амбициозната мајка на американската репрезентативка во уметничко лизгање, Тоња Хардинг.
Серии
Од сериите за најдобра е прогласена „Ова сме ние“, а како најдобри актери во серија во машка и во женска конкуренција победија Стерлинг К. Браун („Ова сме ние“), односно Клер Фој („Круната“). Во лимитирани серии повторно за најдобра актерка е прогласена Никол Кидман, а од актерите Александар Скарсгард, двајцата за улогите во „Големи мали лаги“.
Жените главни
Како и при доделувањето на Златните глобуси, така и на оваа церемонија во центарот на вниманието беа секс скандалите, поточно борбата против сексуални злосторства. Наградите ги одбележаа жените и нивните приказни за сексуално вознемирување, скандал што веќе неколку месеци го тресе Холивуд.
Обвинувања за сексуално вознемирување натера десетина моќници во Холивуд да се повлечат, дел од нив добија отказ, а дел мораа да се простат со своето место во некои проекти.
Жените, меѓу кои голем број познати актерки, го прекинаа молкот за вознемирувањата со движењето „И јас“ на социјалните мрежи и кампањата „Времето истече“.
Инаку, САГ се награди на американска асоцијација на филмски и телевизиски актери и се сметаат за показател за Оскарите, кои годинава ќе се одржат на 4 март.