(ВИДЕО) ЕВРОСОНГ – Литванската претставничка направи изненадување: Од дното до финалето, во стар фустан!

„Размислував за друг фустан, но пред се тој што ми се допадна беше многу скап“, изјавила Моника Лиу
Едно од најголемите изненадувања на синоќешното полуфинале на Евровизија е Моника Лиу, литванската претставничка за која денес шушкаат социјалните мрежи. Девојката со необичната фризура, која пееше на мајчин јазик, се пласираше во финалето, иако обложувалниците не и дадоа никаква шанса. Пред полуфиналето Моника беше на самото дно, а потоа Европа ја слушна нејзината песна и ја виде на сцената.

Моника пееше на Евровизија во истиот фустан со кој пееше на натпреварот во Литванија. Новиот, вели, бил прескап.
-Размислував за друг фустан, но пред се’ тој што ми се допадна беше многу скап. Освен тоа, сфатив дека фустанот што го имам е едноставно многу соодветен и дека веќе стана составен дел од мојот настап – изјавила претходно пејачката.

Фото: Принтскрин/YouTube