ekran платформа за слободоумни
Врховниот суд на Калифорнија ја одбил жалбата на Бред Пит во врска со старателството над децата со Анџелина Џоли. Имено, претходно била поништена пресудата со која тој можел да поминува повеќе време со нив.
Портпаролот на Пит за магазинот „People“ изјавил дека оваа одлука не ги менува доказите, односно заклучоците на бројните експерти кои се воделе исклучиво од она што е во интерес на децата.
„Ќе направиме се што е законски неопходно врз основа на детални анализи на независни експерти“, додал тој.
Адвокатот на Анџелина Џоли изјавил дека актерката ја поздравила одлуката.
„Џоли е фокусирана на своето семејство и ѝ е мило што благосостојбата на нејзините деца нема да биде засегната од неетичкото однесување“, рекол тој.
Судијата Џон Одеркирк, кој претходно му дозволувал на Пит да поминува повеќе време со децата, бил избркан во јули оваа година поради „необјавување на задолжителни податоци“ на правниот совет на Пит.
