Со големо задоволство го најавуваме славеничкиот концерт на легендата на народната музика, Мирослав Илиќ, по повод неговиот 50 годишен јубилеј од неговата кариера, што ќе се одржи на 18-ти март во „Арена Борис Трајковски“.
Мирослав Илиќ прославува 50 години кариера. И тоа каква кариерa! Среќен е затоа што има песни кои ќе го надживеат, а негова лична карта дефинитивно е хитот „Voleo sam devojku iz grada“. И покрај кариерата која трае со децении, пејачот не се чувствува старо и со гордост ги носи своите години.
Бардот на српската народна музика, во далечната 1972 година ја започна својата блескава кариера, која од самиот старт почна да оди во нагорна линија. Години подоцна, Мирослав Илиќ зад себе има многу евергрини како што се: “Nije život jedna zena”, “Još te nešto čini izuzetnom”, “Vino točim a vino ne pijem”, “Ova noć”, “Jesen sedamdeset i neke”, “Lažu da vreme leči sve“, “Polomiću čaše od kristala”, ”Luckasta si ti”, “Božanstvena ženo”, “Voleo sam devojku iz grada”, “Pozdravi je pozdravi” и многу други.
Мирослав Илиќ има таква кариера што нема никаква потреба ништо дополнително да се објаснува, освен да се каже дека сме неверојатно среќни што во неговото сѐ поретко одење на турнеи влегува и Скопје, и тоа со ваков голем концерт, велат од „Balkan Media Production“.
Картите за овој златен јубилеј ќе бидат пуштени во продажба од 25.01.2023 (среда) и истите може да ги најдете преку продажната мрежа на www.kupikarta.com Југотон и Розе Веро 2.
Инфо и резервации на 075 507 455
Се гледаме на 18-ти март во „Арена Борис Трајковски“.