Српската пеачка Славица Ќуктераш проговори за болеста која на почетокот не успеала да ја препознае. Таа цели две години се бореше со модерната болест анксиозноста.
Таа дури двапати носела холтер при што консумирала многу лекарства и ѝ било потребно многу време за да сфати дека се работи за ментална состојба со која многумина се соочуваат.
– Почна со некаков притисок, магла пред очите која не ми дозволуваше трезвено да ја согледам околината – раскажа Ќуктераш во емисија на „Прва телевизија“.
Во тој период имала само 22 години.
– Набрзо почнаа стравовите и сега кога ќе се присетам, навистина не знам како сум успевала да ги преживеам сите тие моменти – открива таа.