ekran платформа за слободоумни
Синиша Михајловиќ го сонувал својот погреб, но никогаш не изгубил надеж, туку почнал да напаѓа уште посилно, за во реваншот да ја победи подмолната болест!
Познатиот фудбалер Синиша Михајловиќ како вистински лав се соочил со леукемијата, но овој пат болеста беше посилна. Роден борец, како што многумина го нарекуваат, и во тие тешки моменти бил голема инспирација за сите други луѓе чие здравје е во опасност. Така својот сон, кој не ветувал добро, го претворил во извор на храброст.
Бидејќи бил познат по својот нескротлив менталитет, Миха еднаш успеа да ја победи болеста. Потоа со јавноста сподели многу емотивни детали, пред се неговите лични борби.
– Животот е фантастична работа, особено кога минуваш низ нешто што јас го поминував. Тогаш уживате во секој момент, во секој детал. Практично сум роден два пати. Прво во февруари 1969. година, а потоа 50. години подоцна. Да се види силен маж како плаче е посебна работа, со болеста научив да ги изразувам моите емоции, научив да плачам и не се срамам. Не треба на никој да му биде. Пред тоа чував се внатре, потоа сфатив дека плачењето е добра работа, како и покажувањето љубов кон луѓето – изјавил тој во интимната исповед за „Скај“ во 2020. година.
Тој нагласил дека никогаш не ја изгубил надежта, иако неколку пати се случило да го сонува својот погреб.
-Да го сонуваш својот погреб неколку пати е многу чудно. Никогаш не изгубив надеж, сето тоа го препишав на мојата желба да се борам. Ја нахранив мојата храброст. Секако, во сето тоа голема улога имаа и лекарите, бидејќи без нив ќе бев храбар, но немаше да успеам – додал тој во таа прилика.
Со одлука на семејството, Михајловиќ ќе биде погребан во понеделник во Рим. Погребот ќе започне во 11. часот во базиликата „Santa Maria delji Anđeli e dei Martiri“.
Извор: stil.kurir.rs
